"Реал" бош мураббийи Карло Анчелотти Ла Лиганинг 27-турида "Райо Вальекано" устидан қозонилган ғалаба (2:1) ҳақида фикр билдирди.
"Биз ўзимизни яхши ҳис қиляпмиз, чунки мақсадимиз очко олиш эди. Биринчи бўлим 3:0 ҳисобида якунланиши мумкин эди, аммо биз уни 2:1 ҳисобида якунладик. Иккинчи бўлимда ишлар бироз қийинлашди.
75-дақиқага келиб биз битта тўп фарқи билан олдинда бораётгандик ва бизда фақат битта нарса қолди: яхши ҳимояланиш ва муаммолардан қочиш. Биз яхши ҳимояландик, аммо ўйиннинг охирги қисми мухлисларга ёқмаганини тушунаман", деди италиялик мураббий.
"Реал Мадрид" Испания чемпионати турнир жадвалида иккинчи ўринда бормоқда.
