Де Пауль ва Лангле Чемпионлар лигаси 1/8 финалининг жавоб ўйинида "Реал"га қарши ўйнаши мумкин. "Атлетико" футболчиларида жиддий жароҳат йўқ.
Родриго Де Пауль ва Клеман Лангле Чемпионлар лигасида "Реал"га қарши ўйнаши мумкин.
Ҳар икки футболчи тиббий кўрикдан ўтказилди, унда жиддий жароҳатлар йўқ эди. Уларнинг ўйиндаги иштироки бўйича қарор ўйин куни қабул қилинади.
Де Пауль Ла Лиганинг 27-турида "Хетафе"га (1:2) қарши кечган учрашувда танаффусда алмаштирилган эди.
Лангле ўйиндан олдин чигалёзди машғулотлари пайтида жароҳат олиб, сўнгги дақиқада таркибдан четлатилди.
12 март куни “Атлетико” стадионида Чемпионлар лигаси 1/8 финалининг жавоб учрашуви бўлиб ўтади. Биринчи учрашув “Реал”нинг 2:1 ҳисобидаги ғалабаси билан якунланган эди.
