"Шахтёр" Алиссонни "Атлетико Минейро"дан сотиб олди.
Январь ойида 19 ёшли вингернинг трансферига "Зенит" қизиқиш билдираётгани хабар қилинганди.
Бугун украиналиклар футболчи билан шартнома имзолаганини эълон қилди. Битим 2030 йилгача мўлжалланган.
Инсайдер Фабрицио Романонинг маълум қилишича, трансфер қиймати 16 млн еврони ташкил қилган.
Алиссон Сантана "Атлетико Минейро" тарбияланувчиси ҳисобланади. У асосий жамоа сафида 42 та ўйин ўтказиб, 3 та гол урган.
2025 йил январь ойидан бери футболчи Бразилия U20 терма жамоасида 8 та ўйин ўтказиб, 1 та гол урган.
