"Байер" олдида Чемпионлар Лигаси 1/8 финалида жуда қийин вазифа турибди. Хаби Алонсо жамоаси сафарда 0:3 ҳисобида мағлубиятга учраганидан сўнг "Бавария" билан жавоб ўйинини ўтказиши керак. "Доришунослар" бош мураббийи камбэк имконияти ҳақида гапирди. Алонсонинг сўзларига кўра, унинг жамоаси ва мухлислари олдинга ўтиш имкониятига ишонишлари керак.
"Биринчи қадам - ишониш. Бизга ва стадионга келадиган мухлисларга. Улар биринчи сонияданоқ бизнинг бунга қодир эканлигимизга ишонишлари керак. Биз учун бу бошқа ўлчамдаги ўйин, агар биз тажовузкор, катта юрак, иштиёқ, шиддат ва совуққонлик билан ўйнасак, у тарихимизга кириши мумкин," - дея Алонсонинг сўзларини келтиради УЕФА сайти.
