31 ёшли франциялик ярим ҳимоячи Поль Погба кеча, 10 март куни дисквалификацияни расман тугатди ва футбол ўйинларида қатнашиши мумкин.
Погбанинг сўнгги клуби Туриннинг "Ювентус" клуби бўлиб, футболчи ўтган йилнинг октябрь ойида у билан шартномасини бекор қилганди.
Аввал хабар қилинганидек, футболчи энди фаолиятини давом эттириш имкониятларини қидирмоқда.
Погбанинг ўзи фақат Европанинг топ-чампионатларидан таклифларни кўриб чиқаётганини айтди.
“Марсель” франциялик ярим ҳимоячига даъвогарлардан бири экани айтилмоқда. Франциянинг турли ОАВ хабарига кўра, улар футболчига март ойи ўрталарида шартнома таклиф қилишни режалаштиришган.
Погба яқинда "Нью-Йорк Сити"га қарши ўйинда "Интер Майами" президенти Дэвид Бекхэм билан ҳам учрашган. Ушбу учрашувнинг мақсади номаълумлигича қолмоқда.
