Sky Germany хабарига кўра, Жереми Фримпонг ёзда "Байер"ни тарк этишни режалаштирмоқда.
Нидерландиялик футболчи ўтган ёзда Леверкузенни тарк этмоқчи эди, бироқ бош мураббий Хаби Алонсонинг клубда қолгани уни шошмасликка кўндирган эди.
24 ёшли футболчи "Реал Мадрид" ёки "Барселона"га ўтишни орзу қилади. У Англия Премьер-лигасига ўтишни истамаяпти.
Жорий мавсумда Фримпонг “Байер” сафида барча турнирларда 38 та ўйинда майдонга тушиб, 3 та гол ва 10 та голли узатмага муаллифлик қилган.













