“Ливерпуль” марказий ҳимоячиси ва сардори Виржил ван Дейк Франциянинг “ПСЖ” жамоасига қарши Чемпионлар лигаси 1/8 финали жавоб ўйини олдидан ўз фикрларини билдириб ўтди.
"Биз тўғри фикрда бўлишимиз, ишонишимиз ва ўзига ишончимиз комил бўлишимиз керак, лекин барибир 90 дақиқадан ортиқ югуриш, курашиш учун камтар бўлишимиз керак. Бугун оқшом ўз уйимизда Париж клубини қабул қиламиз ва чорак финалга чиқишга умид қиламиз. Менимча, рақибларимизнинг сифати ҳақида кўп гапиришга ҳожат йўқ. Биринчи ўйинда ҳаммасини ўзингиз кўрдингиз. Бугун майдонга чиқиб, бошидан охиригача курашамиз. Умид қиламанки, биз “Энфилд”да яна бир ажойиб кеча ярата оламиз", - дея ван Дейк сўзларини келтирмоқда “Ливерпуль” расмий сайти.
