Исак Премьер-лиганинг энг яхши ҳужумчиларидан бири ва мавсумни ажойиб ўтказмоқда. Манбаларга кўра, швед футболчиси ёзда "Арсенал" учун устувор трансфер ҳисобланади.

"Ньюкасл" Исак сотилмаслигини ва клубнинг узоқ муддатли режаларида асосий ўйинчи эканлигини аниқ айтди. Бироқ, "Арсенал" таслим бўлмоқчи эмас. "Канонирлар" трансфер вариантини ўрганмоқда ва "Ньюкасл"ни ҳужумчини сотишга кўндириш учун 150 миллион фунт таклиф қилиши мумкин.

TEAMtalk хабарига кўра, Исакнинг ўзи "Арсенал"га ўтишдан манфаатдор, чунки у Чемпионлар лигасида ўйнашни ва энг катта совринлар учун курашишни хоҳлайди.

Вазият яқин ҳафталарда ривожланиши кутилмоқда ва Исакнинг ўтиши осон бўлмаса-да, "Ньюкасл" Чемпионлар лигасига чиқа олмаса, ўз позициясини ўзгартириши мумкин.

Жорий мавсумда 25 ёшли швед “Ньюкасл” сафида барча мусобақаларда 32 та ўйинда майдонга тушиб, 22 та гол урди ва 5 та голли узатмани амалга оширди.