«Ливерпуль», «Арсенал» ва «Манчестер Юнайтед» клублари «Барселона»нинг 28 ёшли ярим ҳимоячиси Рафиньяни диққат билан кузатиб бормоқда. Бу ҳақда Caught Offside хабар бермоқда.  

Манбанинг маълумотига кўра, «Арсенал» бош мураббийи Микель Артета бразилиялик футболчининг катта мухлиси ҳисобланади. Шунга қарамай, «Манчестер Юнайтед» ва «Ливерпуль» молиявий жиҳатдан Рафиньяни сотиб олиш учун яхшироқ имкониятга эга. Айнан шу клублар 28 ёшли вингер учун «Барселона»га манфаатли таклиф бериш мумкин.

Жорий мавсумда Рафинья барча мусобақаларда 40 та ўйинда қатнашиб, 25 та гол урди ва 18 та голли узатма амалга оширди. Футболчининг амалдаги шартномаси 2027 йил ёзигача давом этади. Transfermarkt портали маълумотларига кўра, унинг бозор баҳоси 80 миллион еврони ташкил этади.