"Реал Мадрид" таянч ярим ҳимоячиси Орельен Тчуамени Чемпионлар лигаси нимчорак финалидан ўрин олган "Атлетико"га қарши жавоб ўйини ҳақида фикрларини билдирди.
"Бутун жамоамиз "Атлетико"га қарши ўйинга шай. Бизни қийин учрашув кутаётганини биламиз, аммо бор куч-ғайратимизни сарфлаймиз. Эртага "матрасчилар" жуда шиддатли ўйнайди, бироқ биз нима қилишимиз кераклигини аниқ тушунамиз. Биз дуранг учун эмас, ғалаба учун курашмоқчимиз.
Бизнинг ҳолатимиз аъло даражада ва жорий мавсумда янада кўпроқ титулларни қўлга киритишни истаймиз", - деди Тчуамени.
Эслатиб ўтамиз, дастлабки ўйинда "қаймоқранглилар" 2:1 ҳисобида ғалаба қозонганди.
