"Бавария" ҳужумкор ярим ҳимоячиси Жамол Мусиала Чемпионлар Лигаси 1/8 финалидан ўрин олган "Байер"га қарши ўйиндаги муваффақиятидан кейин ўз фикрлари билан ўртоқлашди.

Мюнхенликлар Леверкузендаги жавоб учрашувида 2:0 ҳисобида зафар қучди. Бундеслига грандлари ўртасидаги икки ўйиндан иборат баҳснинг умумий ҳисоби - 5:0 Венсан Компани жамоаси фойдасига.

"Биз яхши тайёргарлик кўрдик. "Байер"дан ўтиш учун энг яхши ўйинимизни кўрсатишимиз кераклигини тушунардик. "Бавария" ажойиб ўйин кўрсатди, ҳар икки ўйинда ҳам 90 дақиқа давомида керакли интенсивликни намойиш этди. Энди буни кейинги босқичда такрорлашимиз керак," - деди Мусиала.