"Bavariya" hujumkor yarim himoyachisi Jamol Musiala Chempionlar Ligasi 1/8 finalidan o‘rin olgan "Bayer"ga qarshi o‘yindagi muvaffaqiyatidan keyin o‘z fikrlari bilan o‘rtoqlashdi.
Myunxenliklar Leverkuzendagi javob uchrashuvida 2:0 hisobida zafar quchdi. Bundesliga grandlari o‘rtasidagi ikki o‘yindan iborat bahsning umumiy hisobi - 5:0 Vensan Kompani jamoasi foydasiga.
"Biz yaxshi tayyorgarlik ko‘rdik. "Bayer"dan o‘tish uchun eng yaxshi o‘yinimizni ko‘rsatishimiz kerakligini tushunardik. "Bavariya" ajoyib o‘yin ko‘rsatdi, har ikki o‘yinda ham 90 daqiqa davomida kerakli intensivlikni namoyish etdi. Endi buni keyingi bosqichda takrorlashimiz kerak," - dedi Musiala.
