“Ливерпуль” дарвозабони Алиссон Беккер Европа Чемпионлар Лигаси 1/8 финалида “ПСЖ”га қарши ўйин қаҳрамонларидан бири бўлди.

Бразилиялик футболчи ўтган ҳафта Парижда рақиларнинг 10 та зарбасини бартараф этганди ва энди "Энфилд"да олтита сейвни амалга оширди.

Opta маълумотларига кўра, Алиссон 2017 йилдан бери Чемпионлар Лигаси плей-офф баҳсида 16 та зарбани қайтарган биринчи дарвозабон бўлди.

Саккиз йил аввал “Бавария” футболчиси Мануэль Нойер буни уддалаганди, ўшанда мюнхенликлар “Реал Мадрид” билан тўқнаш келишган ва якунда турнирни тарк этганди.