"Ливерпуль" ҳимоячиси Виржил ван Дейк келажаги ҳақида фикр билдирди. Амалдаги шартнома нидерландиялик футболчини мерсисайдликлар клуби билан жорий мавсум охиригача боғлайди.
"Менинг келажагим? Айни пайтда нима бўлишини билмайман. Музокаралар тўхтатилмаган. Мавсум тугашига 10 та ўйин қолди ва бор эътиборим уларга қаратилган. Янгилик бўлса, билиб оласиз. Нима бўлишини ҳам билмайман. Агар кимдир биламан деса, демак, у сизга ёлғон гапирган бўлади", - дея Ван Дейкнинг сўзларини келтиради Mirror.
Сешанба куни “Ливерпуль” ўз стадионида "ПСЖ"га пенальтилар сериясида мағлуб бўлиб, Чемпионлар лигасидан чиқиб кетди.













