"Манчестер Юнайтед"нинг англиялик ярим ҳимоячиси Мэйсон Маунт яна сафга қайтди. Манкунианликлар матбуот хизматининг маълум қилишича, футболчи жароҳатидан муваффақиятли тикланганидан сўнг умумий гуруҳда шуғулланмоқда.
Эслатиб ўтамиз, Мэйсон 2024 йилда жароҳат олган эди. Бу воқеа "қизил иблислар"нинг 15 декабрь куни "Манчестер Сити"га қарши дербида рўй берди. Ўшандан бери у майдонга тушмади.
Маунт "Манчестер Юнайтед"да бир ярим йилдан буён ўйнаб келмоқда, аммо футболчи мунтазам равишда жароҳатлардан азият чекмоқда. Жорий мавсумда Лондоннинг "Челси" клуби тарбияланувчиси барча мусобақаларда бор йўғи 12 марта майдонга тушиб, бирорта самарали ҳаракат амалга оширмади.
