Винисиус Жуниор «Реал» сафида илк бор пенальти зарбасини голга айлантира олмади. Бу барча турнирларни ҳисобга олганда, ўйин вақтида (пенальти серияларидан ташқари), илк бор содир бўлди. Бу ҳақда Squawka ижтимоий тармоқлардаги шахсий саҳифасида хабар берди.
Бразилиялик ҳужумчи Чемпионлар Лигаси 1/8 финал жавоб баҳсида «Атлетико»га қарши ўйинда пенальти тепган, бироқ тўпни дарвоза устунидан анча юқорига тепиб юборган.
«Реал» ва «Атлетико» ўртасидаги баҳснинг асосий ва қўшимча бўлимлари 1:0 ҳисобида «Атлетико» фойдасига якунланди. Пенальтилар сериясида эса «Реал» 4:2 ҳисобида ғалаба қозонди.