Мадриднинг “Реал” клуби “Атлетико”ни пенальтилар сериясида мағлуб этиб, Чемпионлар лигаси чорак финалига йўл олди.
Пенальтилар сериясида ноодатий эпизод юз берди. Хулиан Альварес зарбани амалга ошираётганда сирпаниб кетди ва пенальтини аниқ амалга оширди.
ВАР аргентиналик футболчининг тўпга иккита тегинишини пайқаб қолди, шу боис пенальтидан урилган гол ҳисобга олинмади.
Ижтимоий тармоқлардаги мухлислар энди ЖЧ-2022 финалини фаол равишда эслашмоқда. Ўшанда Лионель Месси ҳам пенальти тепиш пайтида тўпга икки марта текканди ва буни такрорий ўйинларда кўриш мумкин.
Аммо ВАР ўшанда вазиятга аралашмаган. Айтиш жоизки, гап Мессининг ўйиндан кейинги серияда эмас, асосий вақтда белгиланган пенальтиси ҳақида кетмоқда, ўшанда Леонинг голи бекор қилиниши мумкин эди.
