Ярим ҳимоячи Александр Головин сонидан олган жароҳатидан сўнг "Монако" билан машғулотларга қайтди, дея хабар бермоқда клубнинг ижтимоий тармоқлардаги саҳифаси.
Головин бешта ўйинни ўтказиб юборди. Жамоа бош мураббийи Адольф Хюттер аввалроқ Головиннинг умумий гуруҳга қайтиши 15 мартга - Франция чемпионатининг 26-туридан ўрин олган "Анже"га қарши ўйинга режалаштирилаётганини айтганди.
28 ёшли Головин жароҳати туфайли 7 февралдан бери майдонга тушмаяпти. Умуман олганда, у бу мавсумда 27 ўйинда 3 та гол урди ва 1 та голли узатмани амалга оширди. Головиннинг амалдаги шартномаси 2029 йилгача мўлжалланган. Футболчи 2018 йилдан бери "Монако" шарафини ҳимоя қилмоқда.
