El Gol Digital нашри хабарига кўра, "кўршапалаклар" навбатдаги трансфер ойнасида "Барселона" дарвозабони Иньяки Пеньяни ўз сафига қўшиб олмоқчи, чунки улар янги асосий дарвозабон қидирмоқда.
Аввалроқ "Сельта" 26 ёшли испаниялик дарвозабонни ўз сафига қўшиб олмоқчи эканлиги ҳақида маълумотлар тарқалган эди. Шунингдек, "кўк-анорранглилар" дарвозабонига Туркиянинг “Галатасарой” клуби ҳам қизиқаётгани маълум.
Жорий мавсумда Иньяки Пенья "Барселона" сафида барча мусобақаларда 22 та ўйинда майдонга тушиб, 6 та ўйинда ўз дарвозаси даҳлсизлигини сақлаб қолди.
