Рубен Аморим Расмус Хейлунднинг 21 ўйиндан иборат голсиз серияси ҳақида гапирди.

"Манчестер Юнайтед" мураббийи Европа Лигаси 1/8 финалидан ўрин олган "Реал Сосьедад"га (4:1) қарши жавоб ўйинидан кейин ўз фикрини билдирди.

"Биз "ўнлик" позицияда икки ўйинчи билан ўйнаймиз ва битта ўйинчи ҳужумларни тезлаштириши керак. Хейлунд буни амалга оширади ва жамоага жуда катта ёрдам беради.

Бугун унинг 3-4 та ҳаракатлари ўйинни ўзгартириб юборди. У ассистентлик қилди ва шунчаки гол уриши керак. У хавотирда ва бу кўриниб турибди. У гол уради," - деди Аморим TNT Sport эфирида.