"Манчестер Юнайтед" ярим ҳимоячиси Бруну Фернандеш ўзига нисбатан Рой Кин томонидан айтилган танқидларга қандай муносабатда эканини айтди.

Машҳур ирландиялик собиқ ярим ҳимоячи кўпинча "қизил иблислар"нинг ҳозирги ўйинчиларини аёвсиз танқид қилади - бу португалиялик сардорга ҳам тегишли.

Пайшанба куни Фернандеш "Реал Сосьедад" (4:1) дарвозасига хет-трик қайд этди ва жамоасининг Европа Лигаси 1/4 финалига чиқишига ёрдам берди. Ўйин тугагач, журналистлар Брунудан Киннинг сўзларини ҳақида сўрашди.

"Йўқ, ҳар кимнинг ўз фикри бор, бу нормал ҳолат. Мен бунга таъсир қила олмайман. "Манчестер Юнайтед" шарафини майдонда ҳимоя қилаётганимда қўлимдан келган барча ишни қиламан. Рой Кин ажойиб сардор, клуб тарихидаги энг яхши сардорлардан бири эди. У ҳамманинг ҳурматига сазовор ва мен ҳам уни ҳурмат қиламан," - деди Фернандеш.