"Атлетик" вингери Нико Уильямс Европа грандларида қизиқиш уйғотмоқда. Хабарингиз бор, 22 ёшли футболчига "Барселона" даъвогарлик қилмоқда, шунингдек, испаниялик футболчи мунтазам равишда Лондоннинг "Арсенал" клубига ўтиши мумкинлиги айтилмоқда. Журналистлар Тоби Альтшеффл ва Кристиан Фальк маълумотига кўра, Уильямс анчадан буён "Бавария" эътиборида ва мюнхенликлар келаси ёзда "Атлетик" юлдузи учун курашишга тайёр.
Transfermarkt порталида Нико Уильямснинг тахминий нархи - 70 млн евро. Вингернинг амалдаги шартномаси 2027 йилнинг ярмигача мўлжалланган бўлиб, келишувда 60 млн евролик товон пули кўрсатилган.
