Мадриднинг “Реал” клуби “Атлетико”га қарши баҳсли пеналтилар сериясида ғалаба қозониб, чорак финалга йўл олди. "Арсенал" ПСВни осонлик билан 9:3 ҳисобида мағлуб этди.
Карло Анчелотти шогирдлари ярим финалга чиқиш учун фаворит, аммо 2006 йилда "Бернабеу"да унутилмас гол уриб, "Арсенал"га кичик ҳисобда ғалаба келтирган Анри собиқ жамоаси "ишониши" кераклигини таъкидламоқда.
"Ишонинг, сиз уларни енгишингиз мумкин. Тўғрисини айтсам, иқтидори бироз кам бўлган жамоа билан шундай вазиятга тушиб қолдим. Биз "Реал"га келганимизда ҳамма куларди, айниқса Испанияда.
Агар сиз "Реал Мадрид"ни мағлуб эта олмайсиз ва улар аллақачон сиздан яхшироқ деб ўйлаётган бўлсангиз: "энг яхши жамоа, энг яхши таркиб, уларда 15 та соврин бор, бизда эса йўқ", деб ўйласангиз, ўйинга борманг, чунки сиз ғалаба қозонишингизга ишонган ҳолда ўйинга боришингиз керак", деди Анри.
Эслатиб ўтамиз, ўйинлар 8 ва 16 апрель кунлари бўлиб ўтади.
