Madridning “Real” klubi “Atletiko”ga qarshi bahsli penaltilar seriyasida g‘alaba qozonib, chorak finalga yo‘l oldi. "Arsenal" PSVni osonlik bilan 9:3 hisobida mag‘lub etdi.

Karlo Anchelotti shogirdlari yarim finalga chiqish uchun favorit, ammo 2006 yilda "Bernabeu"da unutilmas gol urib, "Arsenal"ga kichik hisobda g‘alaba keltirgan Anri sobiq jamoasi "ishonishi" kerakligini ta’kidlamoqda.

"Ishoning, siz ularni yengishingiz mumkin. To‘g‘risini aytsam, iqtidori biroz kam bo‘lgan jamoa bilan shunday vaziyatga tushib qoldim. Biz "Real"ga kelganimizda hamma kulardi, ayniqsa Ispaniyada.

Agar siz "Real Madrid"ni mag‘lub eta olmaysiz va ular allaqachon sizdan yaxshiroq deb o‘ylayotgan bo‘lsangiz: "eng yaxshi jamoa, eng yaxshi tarkib, ularda 15 ta sovrin bor, bizda esa yo‘q", deb o‘ylasangiz, o‘yinga bormang, chunki siz g‘alaba qozonishingizga ishongan holda o‘yinga borishingiz kerak", dedi Anri.

Eslatib o‘tamiz, o‘yinlar 8 va 16 aprel kunlari bo‘lib o‘tadi.