"Барселона" ярим ҳимоячиси Френки де Йонг ўзининг паст самарадорлиги ҳақида фикр билдирди.
"Мен гол уришим ёки голли узатма беришим мумкин, аммо ҳозир "олтилик" позициясида ўйнаяпман. Мен эркин ҳаракатланаман, аммо "Барса"даги энг ҳимоявий ярим ҳимоячиман. Мендан ўнта гол кутишингиз мумкин эмас," - дея де Йонгнинг сўзларини келтиради Barca Universal.
Жорий мавсумда 27 ёшли нидерландиялик футболчи барча мусобақаларда 29 та ўйинда майдонга тушиб, 2 та гол урди ва 1 та голли узатмага муаллифлик қилди.
