Суперлиганинг 2-тури доирасида «Сурхон» Термизда «Хоразм» жамоасини қабул қилади.
"Хоразм" ҳақида қандай маълумотларга эгамиз?
Хоразмликлар учун ушбу мавсум тарихий мавсум десак, адашмаган бўлардик. Жамоа узоқ 15 йиллик танаффусдан кейин Суперлигага қайтди. Суперлигага қайтган "Хоразм", ўз олдида юқори мақсад қўйиб, бир қатор тажрибали футболчиларни ўз сафига жалб қилди. 1-тур урганчликлар учун омадли бўлди. Жамоа "Шўртан"га имкониятларни бермади ва 2:0 ҳисоб билан ғалаба қозонди. Жамоани тажрибали мутахассис Ҳаким Фузайлов бошқармоқда.
Ўзаро учрашувлар тарихи
Жамоалар Ўзбекистон Олий лига тарихида ўзаро 10 маротаба тўқнаш келган. Иккала томон 3тадан ғалабага эга. 4та беллашувда эса кучлар тенг келган. Тўплар нисбати — 13:10, «Сурхон» фойдасига. Шунингдек, рақиблар ўтган йили Ўзбекистон Кубоги чорак финалда учрашишган. Ўшанда жамоамиз 3:1 ҳисобида устун келган
«Сурхон»нинг охирги 5та учрашуви:
13.02.2025. Назорат учрашуви: Сурхон - Рустави (Грузия) 1:0 (Сарвар Абдуҳамидов)
24.02.2025. Назорат учрашуви: Сурхон - Фарду 0:1
27.02.2025. Назорат учрашуви: Сурхон - Регар-Тадаз (Тожикистон) 3:1 (Асадбек Каримов, Нодирхон Неъматхонов, Камрон Юсупов)
28.02.2025. Назорат учрашуви: Сурхон - Ҳужанд (Тожикистон) 2:0 (Муҳаммад-Али Абдураҳмонов, Беҳруз Каримов)
08.03.2025. Суперлига, 1-тур: Қизилқум - Сурхон 2:0
«Хоразм»нинг охирги 5та учрашуви:
17.02.2025. Назорат учрашуви: Хоразм - Иберия (Грузия) 3:1 (Аброр Хусинов, Шахром Самиев - 2)
20.02.2025. Назорат учрашуви: Хоразм - Уфа (Россия) 0:3
22.02.2025. Назорат учрашуви: Хоразм - Балтика (Россия) 0:1
26.02.2025. Назорат учрашуви: Хоразм - Ҳолбек (Норвегия) 2:4 (Дилшод Жураев, Бобур Собиров)
09.03.2025. Суперлига, 1-тур: Хоразм - Шўртан 2:0 (Рустам Абдуҳамидов, Мурод Бобожонов)
Учрашув эртага соат 17:45да Термизнинг “Сурхон Арена” стадионида бўлиб ўтади. Мазкур баҳсни Футбол ТВ телеканали орқали жонли эфирга узатилади.
