"Барселона" бош мураббийи Ханс-Дитер Флик ярим ҳимоячи Френки де Йонгнинг келажаги ҳақида гапирди. Фликдан нидерландиялик футболчининг шартномани узайтиришини хоҳлайсизми, деб сўрашди.
"Бу клуб ва унинг ўзига боғлиқ бўлади. Де Йонг жиддий жароҳатдан сўнг ўз кўрсаткичларини сезиларли даражада яхшилади, у узоқ вақт йўқ эди. У жуда яхши ўйнайди, бизга тўп билан кўплаб вариантлар беради ва тўпга эгалик қилишимиз яхшиланмоқда. У бизнинг сафимизда борлигидан жуда хурсандман," - деди Флик журналистларга.
