Ривалдо Хулиан Альваресни "Барселона"да кўришни истайди.
"Кўк-анорранглилар"нинг собиқ ярим ҳимоячиси аргентиналик футболчи "агар маблағ имкон берса," идеал трансфер бўлишига ишонмоқда.
"У ажойиб футболчи ва мен уни "Барселона"да кўришни жуда истардим. Шубҳасиз, у катта кучайтириш бўларди.
Ҳаммаси клубнинг батафсил таҳлилига, айниқса, молиявий томондан ва бу трансферни қандай амалга ошириш мумкинлигига боғлиқ бўларди. Лекин ҳа, мен уни шу ерда кўришни жуда истардим," - деди Ривалдо.
"Атлетико"даги биринчи мавсумида Альварес 43 та ўйинда 22 та гол урди ва 5 та голли узатмани амалга оширди.
