«Милан» ва «Комо» Италия чемпионатининг 29-турида ўзаро тўқнаш келди. Ўйин Италиянинг Милан шаҳридаги «Сан-Сиро» стадионида бўлиб ўтди. Беллашув «Милан»нинг иродали 2:1 ҳисобидаги ғалабаси билан якунланди.  

33-дақиқада «Комо» ярим ҳимоячиси Лукаш Да Кунья ўз жамоасини ҳисобда олдинга олиб чиқди. 49-дақиқада Да Куньянинг иккинчи голи офсайд сабаб бекор қилинди.

53-дақиқада «Милан»нинг америкалик вингери Кристиан Пулишич ҳисобни тенглаштирди. Унга голли узатмани нидерландиялик ярим ҳимоячи Тейани Рейндерс берди.

75-дақиқада эса айнан Рейндерснинг ўзи гол уриб, жамоасига ғалаба келтирди. 90+1-дақиқада «Комо» ярим ҳимоячиси Деле Алли тўғридан-тўғри қизил карточка олди.  

«Милан» 29 та ўйинда 47 очко тўплаб, А Серия турнир жадвалида еттинчи ўринни эгаллаб турибди. «Комо» эса 29 очко билан 13-ўринда жойлашган.  

Италия А серияси. 29-тур
15 март 2025 йил, шанба.
«Сан-Сиро» стадиони, Милан  
Милан - Комо - 2:1
Голлар: 0:1 – Да Кунья (33'), 1:1 – Пулишич (53'), 2:1 – Рейндерс (75')
Қизил карточка: Деле Алли («Комо») – 90+1'