Мадриднинг «Реал» клуби ҳимоячиси Серхио Рамос Франциянинг «Монако» клуби таклифини рад қилди, деб ёзади испан журналистларидан бири.
Журналистнинг ёзишича, «монегаскликлар» Испания терма жамоаси ҳимоячиси учун 5 йиллик шартнома таклиф қилган. Шартномада Рамоснинг йиллик маоши 15 миллион евродан иборат бўлиши кўрсатиб ўтилганди. Аммо Рамос «Реал»да 4,5 миллион евро маош олса ҳам «қироллик клуби»ни тарк этмаслигини билдириб ўтган.
Эслатиб ўтамиз, Рамос ўтган мавсумда «Реал» билан шартномасини яна 6 йил муддатга узайтирганди.