"Манчестер Сити" ярим ҳимоячиси Илкай Гюндоган АПЛ 29-туридан ўрин олган "Брайтон" (2:2) билан ўйиндаги дуранг ҳақида фикр билдирди.
"Икки марта ҳисобда олдинда борганимиз ва жуда яхши ўйнаганимиздан сўнг, уч очко ололмаганимиз бироз ачинарли. Иккинчи бўлимда иккинчи тўпни ўтказиб юборганимиздан сўнг бироз ишончни йўқотганимизни ҳис қилдик. Албатта, бу даражада ҳам хатолар учраб туради. Ўйлашимча, бир ҳафта яхши машғулот ўтказдик. Биз бу куч ва энергияни ўйинда кўрсатмоқчимиз," - дея Гюндоганнинг сўзларини келтиради ВВС.













