"Бавария" хавбеки Йозуа Киммих ўтган йилнинг ёзида клубни тарк этиши мумкинлигини эслади.
Яқинда 30 ёшли футболчи мюнхенликлар билан шартномасини 2029 йилгача узайтирди, аммо ҳаммаси бутунлай бошқача бўлиши мумкин эди: ўтган ёзда "Бавария" ўз юлдузини сотишга тайёр эди.
"Мен сотувга номзодлардан бири эдим. Ўшанда "Бавария" футболчиларнинг маошларини қисқартирмоқчи экани ҳақида кўп гап-сўзлар бўлганди. Мавсумолди тайёргарлик бошланганидан кўп ўтмай, тўсатдан клуб юзига айланишим кераклигини айтишди. Бир неча ҳафта ичида бундай кескин ўзгаришга ишонишим қийин эди. Жамоага янги мураббий келди, шунинг учун қандай ўйнашимизни, қандай натижаларга эришишимизни кутишни хоҳладим.
Эберль ва Фройнд менга босим ўтказишмади, қарор қабул қилиш учун вақт беришди, чунки улар вазиятни тушунишди ва мен улардан бунинг учун жуда миннатдорман," - дея Киммихнинг сўзларини келтиради Bayern & Germany.
