Мадриднинг "Реал" клуби ҳужумчиси Килиан Мбаппе жорий йилдаги муваффақиятлари ҳақида гапирди.
26 ёшли юлдуз француз Ла Лиганинг шанба куни бўлиб ўтган "Вильярреал"га қарши ўйинда (2:1) дубль қайд этиб, жамоасига ғалаба келтирди. Ҳужумчининг ҳисобида жорий мавсумда 44 та ўйинда киритилган 31 та гол бор.
"Ўзимни жуда яхши ҳис қиляпман. 2025 йил мен учун жамоавий ва индивидуал даражада жуда муваффақиятли ўтмоқда. "Реал"га ғалаба қозонишда ёрдам бермоқчиман ва халқаро танаффусдан кейин янада муваффақият қозонишга умид қиламан," - дейди "қаймоқранглилар" футболчиси интервьюда.
