Лондоннинг "Челси" клуби миш-мишларга қарамай, "Манчестер Юнайтед"дан Жэйдон Санчони сотиб олишдан бош тортмайди.

Яқинда тарқалган маълумотларга кўра, "кўклар" ижара даврида ўзини муносиб даражада кўрсата олмагани учун футболчини сотиб олиш мажбуриятидан воз кечиш ҳақида ўйламоқда. Бундай ҳолатда Лондон клуби вингерни қайтариш учун "Манчестер Юнайтед"га товон пули тўлаши керак бўларди. Шундай бўлса-да, инсайдер Фабрицио Романонинг таъкидлашича, бундай бўлмайди - "Челси" Санчонинг трансферини амалга оширади. Битимни бекор қилиш бўйича ҳеч қандай музокаралар олиб борилмади. Футболчининг ўзи қолишни истамоқда, "қизил иблислар" ҳам унинг қайтишидан манфаатдор эмас.

Жэйдон Санчо Энцо Мареска жамоаси сафида 28 та ўйинда майдонга тушиб, 2 та гол ва 6 та голли узатмага муаллифлик қилган.