"Барселона" келаси ёзда "Ливерпуль" ҳужумчиси Луис Диас билан шартнома имзолашга умид қилмоқда.
"Кўк-анорранглилар" спорт директори Деку 28 ёшли колумбиялик футболчини яқин трансфер ойнасидаги устувор мақсад сифатида белгилади. Португалиялик функционер аллақачон Диаснинг вакиллари билан боғланган, аммо айни дамда "Барселона" молиявий чекловлар туфайли аниқ қадамларга ўта олмаяпти. Журналист Тони Хуанмарти берган маълумотга кўра, Каталония клуби келишувни амалга ошириш учун зарур бўлган 70-75 млн еврони қандай топиш устида бош қотирмоқда. Ўз футболчиларидан бирини сотишга тўғри келиши аниқ.
Луис Диаснинг ўзи ҳам бир неча бор хабар қилинганидек, "Барса"да ўзини синаб кўрмоқчи.
