"Barselona" kelasi yozda "Liverpul" hujumchisi Luis Dias bilan shartnoma imzolashga umid qilmoqda.
"Ko‘k-anorranglilar" sport direktori Deku 28 yoshli kolumbiyalik futbolchini yaqin transfer oynasidagi ustuvor maqsad sifatida belgiladi. Portugaliyalik funksioner allaqachon Diasning vakillari bilan bog‘langan, ammo ayni damda "Barselona" moliyaviy cheklovlar tufayli aniq qadamlarga o‘ta olmayapti. Jurnalist Toni Xuanmarti bergan ma’lumotga ko‘ra, Kataloniya klubi kelishuvni amalga oshirish uchun zarur bo‘lgan 70-75 mln yevroni qanday topish ustida bosh qotirmoqda. O‘z futbolchilaridan birini sotishga to‘g‘ri kelishi aniq.
Luis Diasning o‘zi ham bir necha bor xabar qilinganidek, "Barsa"da o‘zini sinab ko‘rmoqchi.
