"Кристал Пэлас" ва Англия терма жамоаси марказий ҳимоячиси Марк Гехига "Ливерпуль" қизиқиш билдирмоқда.
24 ёшли футболчи узоқ вақтдан бери Премьер-лиганинг топ-клубларидан бирига ўтиш эҳтимоли билан боғлиқ бўлиб, унга Мадриднинг "Реал" клуби ҳам даъвогарлик қилаётган эди. DaveOCKOP хабарига кўра, шу ҳафта "Ливерпуль" Гехи вакиллари билан эҳтимолий ҳамкорлик бўйича музокаралар ўтказган. Transfermarkt портали талқинига кўра, футболчининг трансфер нархи 45 млн еврони ташкил этади.
Жорий мавсумда Марк Гехи "Кристал Пэлас" сафида жами 34 та ўйинда майдонга тушди ва ўз ҳисобига 3 та гол ҳамда 2 та голли узатма ёздириб қўйди.
