"Kristal Pelas" va Angliya terma jamoasi markaziy himoyachisi Mark Gexiga "Liverpul" qiziqish bildirmoqda.

24 yoshli futbolchi uzoq vaqtdan beri Premyer-liganing top-klublaridan biriga o‘tish ehtimoli bilan bog‘liq bo‘lib, unga Madridning "Real" klubi ham da’vogarlik qilayotgan edi. DaveOCKOP xabariga ko‘ra, shu hafta "Liverpul" Gexi vakillari bilan ehtimoliy hamkorlik bo‘yicha muzokaralar o‘tkazgan. Transfermarkt portali talqiniga ko‘ra, futbolchining transfer narxi 45 mln yevroni tashkil etadi.

Joriy mavsumda Mark Gexi "Kristal Pelas" safida jami 34 ta o‘yinda maydonga tushdi va o‘z hisobiga 3 ta gol hamda 2 ta golli uzatma yozdirib qo‘ydi.