"Реал" "Вильярреал"га қарши сафар учрашуви шанба оқшомига қўйилганидан норози. Мадрид жамоаси раҳбари Карло Анчелотти ўйиндан кейин агар 72 соатлик дам олиш тамойилига риоя қилинмаса, "қаймоқранглилар" бундан кейин Ла Лига ўйинларини бойкот қилишини айтди.
"Реал" клуби телеканали эфирида "Реал" бундай ўйинлардан жиддий воз кечиши ҳақида маълумот берилди. Клуб ҳатто ФИФАдан ҳимоя сўрашга ҳам тайёр.
"Агар 72 соатлик дам олиш тартибига риоя қилинмаса, бошқа ўйнамаймиз. Биз Ла Лига ва Тебас томонидан суиистеъмолликларга йўл қўймаймиз," - дейилади эфирда.
