"Наполи" Италия чемпионатининг 29-турида "Венеция" меҳмони бўлди ва 0:0 ҳисобида дуранг қайд этди.
Жамоалар асосий вақтда ҳам, қўшиб берилган дақиқаларда ҳам гол ура олишмади.
"Наполи" А Серия турнир жадвалида очколар бўйича "Интер"га етиб олди. Иккала жамоа ҳисобида 61 очко мавжуд, аммо қўшимча кўрсаткичлар бўйича неаполликлардан олдинда бораётган Милан клубида яна бир ўйин захирада бор. "Венеция" (20) Италия чемпионатида сўнгги ўриндан бир поғона олдинда, 19-ўринда бормоқда.
"Наполи" навбатдаги ўйинни 30 март куни "Милан"га қарши ўтказса, "Венеция" бир кун аввал "Болонья"га қарши майдонга тушади.
