Италия чемпионатида 29-тур ўйинлари бўлиб ўтди, Миланнинг "Интер" клуби Бергамога сафар қилди ва у ерда "Аталанта"ни 2:0 ҳисобида мағлуб этди. Голлардан бирини миланликлар сардори Лаутаро Мартинес киритди. Ўйиндан сўнг аргентиналик ҳужумчи ўз муваффақияти ҳақида фикр билдирди.
"Биз бу ўйинга яхши тайёргарлик кўрдик, тўп билан яхшироқ муомала қилганимиз ва узатмаларни сифатлироқ амалга оширганимиз учун ғалабага лойиқ эдик. Биз кўпроқ гол уришимиз ҳам мумкин эди. Турнир жадвали учун учта муҳим очкони қўлга киритганимиз яхши бўлди," - дея Лаутаронинг сўзларини келтиради fcinter1908.it.
