Italiya chempionatida 29-tur o‘yinlari bo‘lib o‘tdi, Milanning "Inter" klubi Bergamoga safar qildi va u yerda "Atalanta"ni 2:0 hisobida mag‘lub etdi. Gollardan birini milanliklar sardori Lautaro Martines kiritdi. O‘yindan so‘ng argentinalik hujumchi o‘z muvaffaqiyati haqida fikr bildirdi.
"Biz bu o‘yinga yaxshi tayyorgarlik ko‘rdik, to‘p bilan yaxshiroq muomala qilganimiz va uzatmalarni sifatliroq amalga oshirganimiz uchun g‘alabaga loyiq edik. Biz ko‘proq gol urishimiz ham mumkin edi. Turnir jadvali uchun uchta muhim ochkoni qo‘lga kiritganimiz yaxshi bo‘ldi," - deya Lautaroning so‘zlarini keltiradi fcinter1908.it.
