"Манчестер Юнайтед" сардори Бруну Фернандеш "Лестер"га (3:0) қарши ўйиндан кейин журналистларнинг саволларига жавоб қайтарди.
Португалиялик ярим ҳимоячи "қизил иблислар"нинг "тулкилар" дарвозасига урган барча голларида иштирок этди - у икки марта жамоадошларига ассистентлик қилди ва бир марта ўзи гол урди.
"Муҳим ғалаба, жуда хурсандман. Қийин бўлишини билардик. Иккинчи бўлимда ўйинни яхшироқ назорат қилдик.
Ўйлайманки, сиз маълум бир тараққиётни кузатишингиз мумкин, лекин бизнинг ривожланишимиз шу билан тўхтаб қолмаслиги керак. Олдинда муҳим ўйинлар бор," - деди Фернандеш Sky Sports билан суҳбатда.
