"Манчестер Юнайтед" жамоаси ҳужумкор ярим ҳимоячиси ва сардори Бруну Фернандеш Англия Премьер-лигаси тарихида 50 та голли узатма амалга оширган илк португалиялик футболчи бўлди, деб хабар беради Squawka.

Шунингдек, Фернандеш жорий мавсумда клуби учун 30 дан ортиқ гол+пас кўрсаткичига эришди. У барча мусобақалар доирасида 44 та ўйинда майдонга тушиб, 16 та гол ва 15 та ассист қайд этган.

Футболчининг амалдаги шартномаси 2027 йил ёзига қадар мўлжалланган бўлиб, уни яна бир мавсумга узайтириш имконияти мавжуд. Transfermarkt маълумотларига кўра, Бруну Фернандешнинг бозор қиймати 55 миллион еврони ташкил этади.