"Арсенал" клуби англиялик ярим ҳимоячи Букайо Саканинг Чемпионлар Лигаси чорак финали доирасидаги "Реал"га қарши уй учрашувигача (8 апрель) сафга қайтишини кутмоқда. Бу ҳақда журналист Жон Кросс хабар берди.
Манбанинг маълумотига кўра, лондонликлар футболчининг тикланиш жараёнида сезиларли силжиш бўлишини кутишмоқда. Шунингдек, "канонирлар" Саканинг 1 апрель куни бўлиб ўтадиган АПЛ 30-туридаги "Фулхэм"га қарши баҳс учун қайдномага киритилишидан умидвор.
Эслатиб ўтамиз, Сака декабрь ойидаги "Кристал Пэлас"га қарши ўйинда (5:1) жароҳат олган ва унга тўпиқ пайларининг жароҳати ташхис қўйилган. Жорий мавсумда у "Арсенал" сафида 24 ўйинда қатнашиб, 9 та гол ва 13 та голли узатмани амалга оширган.













