Лондоннинг "Арсенал" клуби ярим ҳимоячиси Микель Мерино ҳужум чизиғидаги ўйин ҳақида фикр билдирди.
Жорий мавсум давомида "канонирлар" Габриэль Жезус ва Кай Хаверцни жароҳат сабаб йўқотишди, шунинг учун бош мураббий Микель Артета номинал ярим ҳимоячи Меринони ҳужумга ўтказди.
"Бу мен ярим ҳимояда ўйнаганимда ўрганиб қолган нарса эмас. Бироқ, профессионал ҳужумчи бўлмаганим учун бу вазифада босим сезмаяпман - мендан ҳар бир ўйинда гол кутилмайди.
Мен учун асосийси - майда-чуйда ишларда ҳам жамоага фойда келтириш. Гап прессингда ўйнаш, тўғри жойлашиш ҳақида. Баъзан ўйинни тинчлантириш, назоратни енгиллаштириш учун чуқурроқ тушишим мумкин. Бу мен учун одатий бўлган функциялардан фарқ қилади, бироқ ўйлашимча, мослашувим яхши кетмоқда," - дея Меринонинг сўзларини келтиради Арсенал News Channel.
