"Ньюкасл" ҳужумчиси Александр Исак "Барселона"нинг асосий трансфер мақсадлари қаторида қолмоқда.
Каталония гранди анчадан бери шведга даъвогарлар қаторидан жой олган, бироқ "кўк-анорранглилар"нинг молиявий муаммолари туфайли келишув амалга ошиши даргумон. Журналист Крейг Хоупнинг ёзишича, "Барселона" вакиллари яқинда "Ньюкасл"нинг "Вест Хэм"га қарши ўйинига ташриф буюришган - улар Исакни кузатишган. Клуб раҳбари Жоан Лапорта ҳужумчи истеъдодининг ашаддий мухлиси ва шов-шувли трансфер амалга ошиши учун қўлидан келган барча ишни қилишга тайёр.
Александр Исакнинг Transfermarkt порталидаги нархи 75 млн еврога баҳоланмоқда. 25 ёшли футболчи жорий мавсумда 33 та жангда 23 та гол урган.
