«Ливерпуль» ҳимоячиси ва сардори Виржил ван Дейк инглиз клубидаги келажаги ҳақидаги саволга жавоб берди. Нидерландиялик футболчининг шартномаси мавсум якунида тугайди.
«Мавсум охиригача янгиликлар аниқ пайдо бўлади. Ҳозир эса ўзимни жамоага тўлиқ бағишланганман ва олдимизда турган вазифаларга бутунлай эътибор қаратганман. Бу энг асосийси ва бу мен қандай инсон эканлигимни кўрсатади», — дея ван Дейкнинг сўзларини келтиради Goal.
Виржил ван Дейк 2018 йилнинг январида «Ливерпуль»га қўшилган. Жорий мавсумда 33 ёшли ҳимоячи инглиз клуби сафида барча мусобақаларда 41 та ўйин ўтказиб, учта гол ва битта голли узатма билан ажралиб турибди.













