Лиссабоннинг «Спортинг» клуби футболчиси Мортен Юльманн Криштиану Роналду келажакда Португалия президенти бўлиши мумкин, деб ҳисоблайди.
«У жуда кўп нарса қилди, фақат "Спортинг" тарихида эмас, балки бутун мамлакат учун ҳам муҳим шахс. У мен ўйлаганимдан ҳам кўпроқ аҳамиятга эга. Агар у президентликка ўз номзодини қўйса, ғалаба қозониши мумкин», — дейди Юльманн Sport TV2 билан суҳбатда.
Эслатиб ўтамиз, қирқ ёшли португалиялик футбол афсонаси ўз касбий фаолиятини айнан «Спортинг» клубида бошлаган. Ҳозиргача Роналду Португалия терма жамоаси аъзоси ҳисобланади. У миллий жамоа сафида 216 та ўйин ўтказиб, 135 та гол урган.