Мадриднинг "Реал" клуби ўрта чизиқни кучайтиришни режалаштирган. Лука Модричнинг клубдаги келажаги мавҳумлигича қолмоқда: жорий йилнинг сентябрь ойида хорватиялик 40 ёшга тўлади, июль ойида эса унинг амалдаги шартномаси якунланади. Relevo хабарига кўра, "қаймоқранглилар"нинг Жуни Калафат бошчилигидаги скаутлар бўлими "янги Модрич"ни топишни мақсад қилган. Муносиб ворис топиш ишлари аллақачон олиб борилмоқда.
Лука Модрич "Реал" сафида 2012 йилдан буён тўп тепиб келмоқда. Жорий мавсумда хавбек Карло Анчелотти жамоаси сафида барча мусобақаларда 44 та ўйинда майдонга тушиб, 4 та гол ва 7 та голли узатмага муаллифлик қилди.
